“Gaxgonq youq ranzhaz ranz- naengfaex, seiqcawq gon rumz, seiznit gig nit, banhaemh ninz cungj mbouj onj. Seizneix youz cwngfuj bang- coengh, dou ranzvunz ndeu hix ndaej youq ranzngvax ranzcien, hix mbouj you byonghhwnz roh fwn seiqcawq deng daix raemxfwn gyad mbonq lo, sim gig onj.”Geij ngoenz gonq, Fuconh Yauzcuz Swciyen Bwzcin Dayenzsanh Linzgih boux ngamq buen haeuj ranzmoq de heuhguh Vangz Caumei yienghneix doiq gicej naeuz. Neix dwg aen yienh neix aen laeh ndaw gunghcwngz gaijguh ranzyiemj ndeu. Gaenh geij bi daeuj, aen yienh neix dawz gaijguh ranzyiemj hangh gunghcwngz neix dangguh aen gunghcwngz hawj vunz- lai sim’onj、 hawj vunzlai swnghhoz gvaq ndaej ndei. Daj 2009 nienz daengz 2014 nienzdaej, daengx yienh gaij ndei ranzyiemj 17287 hoh, cugmbaek hawj aen vwndiz vunzlai ndawj yangh Yauzcuz ranzyouq ndaej gaijndei. (Cinz Yengiz/陈献吉 Yih Bujyin/于普任)