4 nyied 1 hauh daengz 30 hauh, Dwzbauj Yen comzrengz youq daengx yienh guh ndwen senhconz minzcuz doxgiet cinbu, baez hozdung neix aeu“gya rengz hawj gak minzcuz doxgyau doxdoeng, caenh’itbouh coicaenh gak minzcuz caemhyouq huzndei、caemhsim doxbang、huzndei fazcanj”guh cawjdaez. It dwg venj buek fukvang senhconz byauhyij ndeu. Ngeih dwg baijok buek banjbau cienmonz guh senhconz ndeu. Sam dwg yaenq buek sawsoujcwz senh- conz minzcuz cwngcwz cihsiz ndeu. Seiq dwg senhconz buek minzcuz doxgiet cinbu mozfan denjhingz ndeu. Haj dwg senhconz gij cingzcik gvendaengz minzcuz ginghci sevei fazcanj. Roek dwg guh hozdung fuengbienh vunzlai cam rox minzcuz cwngcwz faplwd fazgveih. Caet dwg youq densidaiz ndaw yienh hai lanzmuz cienmonz guh senhconz. Bet dwg youq yienh dangjyau gawjbanh saujsu minzcuz ganbu beizyinbanh. Gouj dwg youq daengx yienh cungh siuj yozyau guh hozdung senhconz nem son’gyauq minzcuz doxgiet. Dangqnaj, aen yienh neix cingq ciuq dajsuenq haenqrengz guh gak hangh hong gvendaengz hozdung ndwen senhconz minzcuz doxgiet cinbu.

(Nungz Yungjfang/农永放)