●4 nyied 23 daengz 24 hauh, Gveigangj Si Gangjnanz Gih Minzcunghgiz gawjbanh 2015 nienz minzcuz cunghgyau yezvu beiz- yinbanh. Ndaw gih neix gak yanghcin dungjcan veijyenz, miz- mbangj minzcuz ganbu, mizmbangj ganbu rog dangj, mizmbangj ganbu ndaw cunh(segih) gungh 110 vunz camgya beizyin.

(Fu Siujminj)

●4 nyied 23 daengz 24 hauh, Lungzlinz Gak Cuz Swciyen Boux- cuengh Yozvei youq yienhsingz gawjhengz“sam nyied sam”hozdung, miz 52 aen sanhgohdui 1560 boux canghfwen nem baengzyoux gungh 3 fanh lai vunz daj Gveicouh、Yinznanz nem ndaw gih raeuz daengj dieg daeuj yienhsingz camgya hozdung.

(Dauz Dwzgvangh)

●“Sam nyied sam”geizgan, Yungzsuij Myauzcuz Swciyen Sanh- fangz Cin、Dalang Cin、Bwzyinz Yangh nem Dungzlen Yangh daengj doenghgij yanghcin Bouxcuengh comzyouq nem gak gingjgih、gingjdenj gungh ciepdaih hekyouz 11.63 fanh vunzbaez, doengzbeij gyalai 124.52%; lijyouz souhaeuj 6629 fanh maenz, doengzbeij gyalai 141.46%.

(Cangh Cinyi Gyaz Yencinh)

●4 nyied 1 daengz 30 hauh, Lingzyinz Yen youq ndaw yienh guh ndwen senhconz minzcuz doxgiet cinbu. Youq guh hozdung duenh de, minzcuzgiz aen yienh neix youq guh hozdung gvaq ciet“sam nyied sam Bouxcuengh”nem Cauzlij Yauzcuz Yangh gvaq ciet hawfwen “3·16”seizde, fat dansenhconz nem laeb giz camdap.

(Veiz Vazfuz Vangz Lingz- bingz)

●Ceiqgaenh, Guekgya Minz- veij fatbouh《Aen Dunghcih Gvendaengz Dingh Daih’it Buek Mbanj Daegsaek Saujsu Minzcuz》, Cauhbingz Yen Vangzyauz Cin Hawvangzyauz Mbanjvangzyauz (mbanj Bouxcuengh) ndaej lied haeuj. Ciuq cam rox, baez neix daengx guek gungh dingh 340 aen mbanj, gih raeuz gungh miz 59 aen mbanj ndaej lied haeuj.

(Liuz Feih)