Vih haenqrengz senhconz minzcuz yijvwnz cwngcwz、hawj minzcuz yijvwnz youq ndawbiengz gyalai yingjyangj, Bwzswz Si Yougyangh Gih Minzcuzgiz youq seiz banh hozdung“sam nyied sam” ndawde, doenggvaq lai cungj fuengsik yungh Sawcuengh. It dwg dawz aen cezmuz《Son Mwngz Hag Vahcuengh》(lai boux lwgnyez ciengq) dangguh ndaw gaihmusi ciengz yienjok daih’it. Ngeih dwg youq nda daizheiq ndawde coq Sawcuengh Sawgun. Sam dwg youq veicangzdaeuz venj fukvang Sawcuengh Sawgun coq song henz. Ndaw doz dwg Bwzswz Yifuh Siujyoz gyoengq lwgnyez habciengq《Son Mwngz Hag Vahcuengh》.

(Luz Yuzgangh/陆如刚 ingj)