Cunghyih nyinhnaeuz, dangz- nding(dangzoij) singq raeuj、feih van, ndaej ik heiq bouj lwed、cangq dungx raeuj dungx、dingz in、vued lwed vaq cwk. Bouxlaux supsou gak cungj veizlieng yenzsu caeuq veizswnghsu cugciemh gemjsiuj lo, bingzseiz wng haeujsim daj gwnndoet ndawde bae bouj, yienghneix cij ndaej veizciz cingqciengz daise goengnaengz, doiceiz nyieglaux. Ndigah conhgyah genyi naeuz, bouxlaux mwh gwn dangz seiz, wng lai senj gwn dangznding. Yizbwnj bouxlaux Cunghcunz Yen, moix ngoenz sibgvenq gwn boi raemx dangznding he, bouxvunz ndaej souhyienz haujlai.

Danhseih, mbouj dwg naeuz sojmiz bouxlaux cungj hab gwn dangznding. Cunghyih nyinhnaeuz, boux yaem haw ndaw ndat、boux dungxraeng、boux baenz bingh- nyouhdangz mbouj hab gwn dangznding. Linghvaih, mwh gwn yw seiz hix mbouj hab yungh raemx dangznding soengq gwn.