Ndaw makit hamz miz dienyienz vuedsingq doxgaiq, lij miz veiz- swnghsu caeuq nyinzsei dem, doiq gij vunz daep mbouj ndei roxnaeuz boux baenz ganhyenz haenx gig miz ik. Ndigah, yingzyangj conhgyah genyi naeuz, bouxlaux daep miz vwndiz seiz ndaej habliengh gwn di makit he.

Cunghyih nyinhnaeuz, makit singq bingz, feih vansoemj, ndaej bouj heiqlwed, nyangq nyinz ndok, ik daep ik yaem, leih nyouh, soeng nyinz vued lwed, raeuj dungx cangq dungx, gaij simfanz youh ndaej gaij hozhawq. Yienhdaih yihyoz cix cwngmingz naeuz, makit miz gang’yangjva hoz- sing gig ak, ndaej mizyauq dwk diuzcwngj goengnaengz sibauh aen- daep, laengzdangj caeuq fuengzceih swyouzgih daeuj sienghaih aen’daep.

Ndaw makit hamz miz dangz- makit caeuq lai cungj veizswnghsu, doiq baujhoh aen’daep、gemjmbaeu dungx foegraemx caeuq ga foegfouz, yaugoj gig mingzyienj, lij ndaej daezsang bwzdanbwz ndaw lwed dem. Gij dangzmakit、youjgihsonh、anhgih- sonh、veizswnghsu ndaw makit doiq sinzgingh aen’uk miz fatangq coz- yung, ndaej gaijndei bouxlaux baenz ganhyenz caemhcaiq buenx miz sinz- gingh hawnyieg caeuq naetnaiq.

Gojsonh ndaw makit lij ndaej bangcoh siuvaq, coi vunz lai gwn doxgaiq, fuengz baenz ganhyenz le cienj baenz cihfangzganh. Boux baenz ganhyenz gwn makit ndaej bouj diet. Aeu rag gomakit 100 daengz 150 gwz daeuj baek raemx gwn, ndaej bangbouj ceihyw vuengzbiu ganhyenz.