Makyungz dwg gengangh sizbinj, danghnaeuz aeu de guh baenz ciengq, couh engq hab bak bouxlaux gwn lo. Ginggvaq yenzgiu ndaej rox, gij gezhungzsu ndaw makyungz ndaej gemjsiuj doenghmeg saek lwed, hawj sailwed noix baenz bingh. Youq mwh gyagoeng cawj cug baenz ciengq gocwngz ndawde, engq naengz daezsang gezhungzsu gang’yangjva yaugoj dem, hawj dungxsaej engq yungzheih supsou.

Doengzseiz, makyungz guh baenz ciengq le, lij baujlouz miz daihliengh veizswnghsu A、veizswnghsu C caeuq cenhveizsu、B cuz veizswnghsu、lai cungj gvangvuzciz、danbwzciz caeuq denhyenz gojgyauh, ndaej yawhfuengz baenz yujaiz、feiaiz、swjgungh neimozaiz、gezcangzaiz daengj bingh.

Linghvaih, ciengqmakyungz vansoemj habbak, ndaej sekdungx, beij makyungz ndip engq yungzheih siuvaq. Bouxlaux bingzseiz aeu daeuj yub haeux yub byaek gwn, couh engq fuengbienh ndaej lai lo.