Byamaeg daengx ndang cungj dwg bauj, dwg gij sizbinj baujgen mehmbwk ceiq ndei. Byamaeg feihdauh diemz ndei, yingzyangj lai, moix 100 gwz noh byamaeg hamz miz 13 gwz danbwzciz, 0.7 gwz youzlauz, lij hamz miz dansuij vahozvuz caeuq veizswnghsu A、veizswnghsu B cuz nem gai、linz、diet、hwzvangzsu daengj doxgaiq ndang vunz aeu miz haenx dem.

Yihyoz nyinhnaeuz, byamaeg singq diemz、ndaengq、bingz, ndaej nyinh daep nyinh mak、ciengx lwed nyinh yaem、ik heiq.

Cigndaej danqhaenh dwg, de dwg cungj baujgen sizbinj mehmbwk ceiq lijsiengj ndeu. Ciuhvunz mehmbwk mboujlwnh dwg geiz dawzsaeg、geiz daiqndang、geiz senglwg、geiz cijlwg gak aen seizgeiz, gwn de cungj daih miz ndeicawq.

Aeu 2 duz byamaeg ma swiq seuq, caeuq 250 gwz nohmou cing itheij aeuq cug le dwk gyu gwn, ngoenz baez, 5 ngoenz guh aen liuzcwngz ndeu, yw mehmbwk daiq roengz.

Aeu noh byamaeg caeuq daezmou aeuq dang gwn, 5 ngoenz guh aen liuzcwngz ndeu, ndaej coi mehmbwk senglwg le ok raemxcij lai.