Haeux raemxhing nohvaiz. Guhfap: Aeu nohvaiz singjsien 90 gwz, faeg mienz, gya di raemxhing、 youzndip、ciengqyouz he, gyaux yinz bwh yungh. Cawj haeux raemx yaek mboek liux seiz dwk nohvaiz roengz oemq, cug le gwn.

Duhnding aeuq byaleix. Duhnding aeuq byaleix dwg aen niemhfueng ndawbiengz siu foeg ndei ndeu. Duhnding ndaej yw foegraemx、cangq dungx, byaleix hix ndaej siu foegraemx. Guhfap: Duhnding 90 gwz, duz byaleix ndeu(cawz dungxsaej), heuz raemx、meiqhaeux gak buenq, dwk rekmeng gya di youzndip he, cawj diemj cung ndeu, gwn dang caeuq nyaq.

Cuk bwzgiz(白芪) dungxmou. Bwzgiz caeuq dungxmou ndaej leih nyouh. Guhfap: Bwzgiz 80 gwz, baek diemj cung ndeu le louz raemx gya haeux cawj cuk, dwk dungxmou cawj cug le dwk gyu gwn.