●4 nyied 8 hauh, Gvangjsih Minzgenh Yisuzgyah Hezvei daengz Vujmingz Yen Luzvaz Cin Gawjhengz hozdung doxgyau gangj nem eu fwen. Gvangjsih Minzgenh Yisuzgyah Hezvei fucujsiz、Gvangjsih Sanhgoh Hezvei veicangj Cinz Siengzcouh daeuj hwnjdangz, gyoengq canghfwen ndaw cin nem doenghboux yinhyoz lauxsae、 doenghboux maij yinhyoz de gungh 50 vunz camgya.

(Yangz Yenzsiengh)

●Bi’gvaq, Yungzanh Yen fat gij cienzngaenz boujdiep cawx nungzgih 439.09 fanh maenz, boujdiep cawx gihgai 1992 gyaq, daengx yienh nungzgih dungliz gungh miz 21.29 fanh cienngvax, gyalai 8.73%.

(Danz Gaijhingh Loz Lingzcungh)

●4 nyied 8 hauh banhaet, aen yizsi haidaeuz guh Nanzningz Si 2015 nienz“ndwen senhconz minzcuz doxgiet cinbu”youq Liengzging Gih Nazmaj Cin Mbanjdanzbanjboh gawjhengz. Gungh miz 250 vunz camgya, baugvat doenghboux lingjdauj mizgven ndaw swcigih、 si、 yienh (gih)nem Nazmaj Cin daengx- cungq ganbu cizgungh nem vunz ndaw mbanj daengj.

(Liengz Ging Gih Minzcuzgiz)

●Gaenh bi daeuj, Ningz- mingz Yen comz 2429 fanh maenz haenqrengz guh hanghmoeg daj- ndaem cazyouzbya, dazyinx nungzminz dajndaem cazyouzbya aeu laisou. Dangqnaj, daengx yienh gungh ndaem 3 fanh lai moux cazyouz, bineix dajsuenq lai ndaem fanh moux, ceng hawj aen canjyez neix baenz aen canjyez daeuz ndeu.

(Couh Yizgangh)

●Bineix, Hozciz Si roengz 150 fanh maenz ndaem faexrum coq henz goengloh ndaw Bahmaj Yauzcuz Swciyen、Fungsanh Yen daengj, roengz cienz rengz youq mbanjranz gyaeunanz guh goeng- loh lijyouz henz miz faexrum.

(Veiz Canghyoz Loz Siuyaj)