Geij ngoenz gonq, Denzlinz Yen Luzlungz Cin Lungveij Cunh Mbanj- veijyangz aen daizheiq vwnzva minzcuz laebbaenz caemhcaiq ndaej yungh. Aen daizheiq neix youz Denzlinz Yen Minzcuzgiz dangguh aen hanghmoeg ndeu daeuj guh. Aen hanghmoeg neix dwg gij giva bi’gvaq daihngeih buek aeu cienzngaenz fazcanj saujsu minzcuz, youz Swcigih Minzveij bi’gvaq 11 nyied daej bued hawj, anbaiz 20 fanh maenz daeuj guh aen hanghmoeg vwnzva neix. Aen daizheiq neix gencuz menciz 90 lai bingzfanghmij. Youq baihnaj daizheiq, vunzlai gag comz cienz guh aen buenz 600 bingzfanghmij dangguh gizdieg hozdung. Laebbaenz aen daiz neix le, aen mbanj neix 44 ranz 220 lai vunz miz gizdieg guh vwnzva hozdung, lij hawj vunz nemgyawj miz dieg guh vwnzva hozdung, vunzlai angqyangz lo.

(Banh Sauginh/潘少君)