Mbangj canghyw ciengz doiq vunz naeuz, aeu lai gwn makgam daengj lwgmak, aenvih de hamz miz veizswnghsu C gig lai, doiq ndangdaej cibfaen mizleih. Danhseih, yenzgiu moq fatyienh, danghnaeuz hawj raemx makbug caeuq mbangj raemxyw doengzcaez cozyung, couh rox sienghaih ndang vunz. Conhgyah naeuz, miz haujlai cungj yw mbouj ndaej caeuq makbug doengzcaez gwn, lumj hungzmeizsu、ywbiyin、mbangj yw aifoeg daengj. Danghnaeuz mehdaiqndang gwn ywbiyin le caiq gwn raemx makbug dem, couh engq yungzheih daiqndang lo.

Mbangj mehmbwk gwn ywbiyin le, danghnaeuz gwn makgam roengzbae, gig miz gojnwngz hawj vunz gikdoengh gvaqbouh roxnaeuz rengz naiq. Mbangj gangswnghsu caeuq raemx makbug doengzcaez gwn le rox yinxhwnj baenz dungxsiq roxnaeuz laengzdangj ceihyw yaugoj.