Youq ndaw seizcin, boux baenz gyakvaiz gwn gijmaz daeuj gaijndei binghcingz ne? Aeu va govaiz caeuq nohbya naengj gwn, va govaiz ndaej siu ndat liengz lwed、giep fung siu humz. Va govaiz seizcin hai va, gig yungzheih ra ndaej, dawz ma caeuq nohbya naengj gwn, mboujdanh yingzyangj lai, feihdauh ndei gwn, caemh ndaej fuengzceih bingh gyakvaiz.

Va govaiz caeuq nohbya cujyau baenzneix boiq: Va govaiz 15 gwz, 7 dug coengbieg, 20 gwz gyaeujsuenq naeng aeuj, 500 gwz byacaek roxnaeuz byaleix. Gidij guh fap: Swiq bya seuq cawz gyaep、hwk、dungxsaej, ngeng reg 3 daengz 5 mbat cax, dwk roengz rekmeng bae, gya coeng、hing、suenq、gyu、liuhlaeuj caeuq di raemx ndeu, dwk gwnz feiznumq naengj 20 faen cung, doeklaeng dwk va govaiz、veicingh、youzhom roengz couh baenz gwn. Boux baenz gyakvaiz ndaej ciengzseiz gwn meih byaek neix.