Geij ngoenz gonq, Yungjfuz Yen gietdingh roengz 1760 fanh maenz, doiq ndaw yienh Gvangjfuz Yangh Mbanjsasizsanh、Baujlij Yangh Mbanj- yangzgez daengj 4 aen mbanj Yauzcuz guh hong doenggvaq “daengx mbanj fuzbinz” senj dieg youq. Doenghboux senj ranz de cingq bienq baenz boux yenzgungh ndaw daegsaek minzsuz funghcingzyenz, hawj gyoengqde mbat ndeu gaijndei swnghhoz.

Daj bineix hwnj, Yungjfuz Yenveij、Cwngfuj comz 1760 fanh maenz, doiq 4 aen mbanj 281 boux Yauzcuz guh daengx mbanj senj dieg. Ciuq cam rox, hangh hong neix guj daengz bineix 6 nyied guh ndei hong bwh, 2016 nienzdaej guh baenz ranzmoq nem doeng raemxgwn、dienh、roen daengj gihcuj sezsih ndaw mbanj moq, ceng daengz 2017 nienz ndwencieng ndaej senj haeuj mbanj moq bae youq.

(Ya Fungzbinh/夏冯斌)