●Vih angq gvaq ciet“sam nyied sam Boux- cuengh”, 3 nyied 31 hauh banhaet, Hozciz Si Ginh- cwngzgyangh Gih hai aen hoih hainduj guh hong angqhoh ciet“sam nyied sam Boux- cuengh”, ndaw gih miz 100 lai boux lingjdauj mizgven daeuj camgya.

(Moz Yaujcinh)

●3 nyied 31 hauh, Cungzcoj Si youq Namzningz hai sinhvwnz fazbuvei gven- daengz 2015 nienz“sam nyied sam·baiq goengcoj Bouxcuengh baebo yawj vahreux”hozdung, gak gaep meizdij daeuz daeuj camgya caemhcaiq baudauj.

(Lungz Yenyingh)

●3 nyied 27 daengz 4 nyied 1 hauh, 2015 nienz Gveilinz Gvanyangz Cenh- gyahdung Yauzcuz vwnzva lijyouzcez nem“ngeih nyied bet”nungzgi vwnzvacez, youq Gvanyangz yienhsingz gawj- hengz. Ngoenzde, ndaw yienhsingz vunzlai cungj angqvauvau, haujlai vwnzva hawj gyoengq hekyouz yawj ndaej gvaqyinx raixcaix.

(Banz Sinhij Liuz Yenz)

●Youq duenh dok dangzoij 2014-2015 nienz, Liujcwngz Yen dajndaem oijdangz daihgaiq 50 fanh moux, cungj canj 200 fanh dun. Dangqnaj, aen yienh neix gya ndaem oij 29410 lai moux.

(Dwng Gwzyiz)

●Daj 3 nyied daeuj, Ningzmingz Yen gungh cujciz 28 aen nungzgih fuzvudui, 198 boux nungzgih gisuzyenz daengz gak yangh(cin) cunh mbanj son’gyauq baenzlawz yungh nungzgih, 5500 lai gyaq nungzgih youq gyang- doengh guh hong ndaemcin, neix vih bineix nungzyez ndaej fungsou laeb ndei giekdaej.

(Couh Yizgangh Vangz Haunwngz)