Duenh gonq, Nanzdanh Yen Denyingj Fathengz Cuengqingj Cungsim roengz mbanj bae cuengq denyingj vah saujsu minzcuz, vunzlai gig maij yawj. Dangdieg vunz saujsu minzcuz ndaej yawj doenghgij denyingj gojgaeq、gohyoz gyauyuz、geiqloeg daengj aeu vah dangdieg boiqyaem de, ndawsim gamjsouh daengz minzcuz doxlumj, demgiengz saenqsim, mizyauq dwk swnjcienz vah saw saujsu minzcuz. Doenggvaq cuengq denyingj vah minzcuz, doiq aen yienh neix ndawbiengz onjdingh, gyamaenh minz- cuz doxgiet, cienz gohgi cihsiz gig miz yungh. Daengz 3 nyied ndawcib, aen yienh neix gaenq cuengq denyingj Vahyauzcuz、Vahcuengh 50 ciengz- baez, bouxyawj fanh lai boux.

(Liuz Sizcinh/刘时春 Moz Gijcauh/莫启超)