1、Cingh cauj ngazduhhenj. Aeu 500 gwz ngazduhhenj, ciengq- youz、gyu、begdangz、hing gep、swzlahyouz gak di he. Sien swiq ngaz duhhenj seuq cawz cab ndei, dwk youz roengz rek hai feiz coemh ndat, dwk ngaz duhhenj cauj buenq cug, caiq dwk ciengqyouz、gyu、begdangz、hing gep caeuq raemx, goeb fa ndei cawj goenj geij faen cung le couh ndaej daek hwnj gwn.

2、Dang raghaz lwglimz. Aeu 50 gwz raghaz, 120 gwz lwglimz. Dawz song cungj neix swiq seuq dwk rek gya habliengh raemx, aeuq daengz duh naemz raemx yaek mboek liux seiz cawz raghaz le daek hwnj gwn.

3、Dang duhndaem haeux- lidlu. Aeu 100 gwz duhndaem, 30 gwz haeuxlidlu. Faenbied swiq song cungj neix seuq le caez dwk roengz rek, gya habliengh raemx feizhaenq cawj goenj, caiq gaij yungh feiznumq cawj 1 diemj cung le gwn.