Yienhdaih yingzyangjyoz faen- sik, nyod gocin beij makyungz hamz veizswnghsu lai baenz boix doxhwnj, caemhcaiq hamz miz danbwzciz、veizswnghsu E、gai、linz、dez daengj lai cungj yenzsu dem. Linghvaih, de lij hamz miz nyinzsei co、lauxbaeg nding doxgaiq、nizgwzsonh daengj.

Gwn nyod gocin fuengfap gig lai, ciengz raen miz nyod gocin cauj gyaeqgaeq、nyod gocin cauj noh、nyod gocin gyaux daeuhfouh daengj.

Nyod gocin gyaux daeuh- fouh: Swiq nyod gocin seuq, dwk vanj gyaux di gyu he, ndingq raemxgoenj roengz le goeb fa 5 faen cung vez hwnj ronq mienz. Ronq daeuhfouh baenz gaiq 2 daengz 3 lizmij hung, gyaux nyod gocin le caiq dwk di youzhom、veicingh、gyu he couh baenz gwn.

Nyod gocin cien bya: Swiq nyod gocin seuq, dwk raemxgyu iep yaep ndeu, dwk mbamienh、gyaeqgaeq、youzhom、veicingh、gyu gyaux yinz. Dwk youz roengz rek coemh ndat, caiq dwk nyod gocin roengz cauj henj, daek hwnj dwk dieb couh baenz gwn.

Nyod gocin cauj gyaeqgaeq: Swiq nyod gocin seuq ronq mienz, dub geij aen gyaeqgaeq roengz vanj bae, dwk di gyu caeuq di diuzliuh ndeu gyaux yinz, dwk youz roengz rek cauj cug couh baenz gwn.

Daezsingj: Aenvih de hamz miz yasiuhsonhyenz haemq lai, caengz gwn gaxgonq ceiq ndei dwk roengz raemxgoenj bae log yaep ndeu, vez hwnj swiq seuq caiq ronq mienz cien cauj.