Miz haujlai vunz hawj vunz gingqboiq, bouxvunz gou ceiq gingqboiq haenx couhdwg boux daxheiz cinghgezgungh ndeu.

Seizhah miz ngoenz ndeu, daengngoenz ciuq youq gwnz dieg, ndat raixcaix, duzmalwg boemz youq gwnz dieg iet linx diemheiq fofo, duzbid naiqnuek youq gwnz faex heuhgedged. Youq gwnz loh cuengqhag ma ranz, gou fwngz ndeu vad mbawbeiz, fwngz ndeu gaem binghgizlinz gwn, hoeng lij gamjdaengz gig ndat. Cingq youq seizneix, gou raen boux daxheiz cinghgezgungh ndeu, youq gizde baet dieg, seizhaenx gou gag naemj: Danghnaeuz dwg gou, gou caeux couh baema lo, hoeng de lij youq gizneix nyinhcaen baet dieg. Gou byaij gvaqbae cam de:“Daxheiz, mbwn baenz ndat, mwngz vihmaz lij youq gizneix baet dieg, mbouj ma ranz ha?” “Neix dwg gij gunghcoz gou ya, gou aeu dawz gunghcoz guh ndei, danghnaeuz mbwn ndat couh mbouj baet, gizneix couh uq lai lo.” Daxheiz han gou naeuz. De gangj vah seiz gyaeuj hix mbouj ngiengx, muengz dwk baet nyapnyaj canj nyapnyaj. Dingq daxheiz baenzneix gangj, gou mingzbeg lo, mboujguenj guh gijmaz, cungj aeu nyinhcaen bae guh, couh itdingh guh ndaej ndei. Daxheiz raen gou lij ndwn youq gizhaenx ngeizngwd, couh yaengyaeng nyoengx gou mbat ndeu, gou cij singj gvaqdaeuj. De riu dwk doiq gou gangj: “Siuj baengzyoux, vaiq baema ba!” Gou yiengq daxheiz vadfwngz, gangj sing “caiqraen” ndeu, couh baema lo.

Daxheiz cinghgezgwngh neix, couhdwg boux vunz gou ceiq gingqboiq haenx.

（指导老师：罗 凤）