Saeh gvaq le, seiz cungjlij ciepraen song baij, de yiemzlig bihbingz le gij guh gvaqbouh gyoengqde. Geij ngoenz gonq, Gyauz Yaujgvangh caeuq Anh Bingzswngh caemh deng gyoengqde gaeb bae gyaeng youq Diciz Yozyen, caemhcaiq gyoebcomz le song baez hoihbaedaeuq.

Ginggvaq naihsim guh hong le, song baij youq ndwen 8 ngoenz 26、ndwen 9 ngoenz 16 dox doengzeiq le 《Gij Hezyi Gvendaengz Dingzsat Hoenxdaeuq Haenx》、《7 Diemj Hezyi Gvendaengz Cienzmienh Gyau Ok Cungq Caeuq Lwgyienz Haenx》, Mauz Cwzdungh cujsiz ndwen 11 ngoenz 18 baenaeuz: “Ciuqbanh”. Dangngoenz, cujsiz baenaeuz “ciuqbanh” lij miz song aen vwnzgen Guengjsae: 1 dwg gij gietdingh gvendaengz vwndiz Guengjsae haenx, 2 dwg gij doengcei gvendaengz laebbaenz Guengjsae Bouxcuengh Swcigih Gwzming Veij- yenzvei Cujsaeq Bwhguh haenx.

Cunghyangh doengcei vixok: Laebbaenz Guengjsae Bouxcuengh Swcigih Gwzming Veijyenzvei Cujsaeq Bwhguh, youz boux suhgi daeuzit gonq Dangjveij Swcigih Veiz Gozcingh、boux swhlingyenz Gvangjsih Ginhgih Ouh Cifu、boux cwng’veij Gvangjsih Ginhgih Vei Youcu、boux fuginhcangj moux ginh bingcap Sunh Fungcangh、boux fucwng’veij moux ginh gungh- ginh Ciuh Hungzgvangh、boux fuswhcangj moux swh bingcap Hauj Cunghyinz、boux cwng’veij 20 Faen- bouh Gvangjcouh Ginhgih Houginz Cap Guengjsae haenx Vangz Binh、song boux suhgi gonq Swcigih Dangjveij Suhgicu Vuj Cinnanz、Anh Bingzswngh caeuq gij daibyauj cujciz vunzcungq doxcaez gyoebbaenz, Veiz Gozcingh guh goengdaeuz gaemhong.

Bi 1967 ndwen 11 ngoenz 23, Veiz Gozcingh caeuq dingzlai vunz Cujsaeq Bwhguh Guengjsae Boux- cuengh Swcigih Gwzming Veijyenzvei haenx, lijmiz gij vunz donzdaibyauj song baij baij bae Baekging haenx, doxcaez naengh gij feihgih cienmonz haenx dauq daengz Namzningz. Baezneix, Veiz Gozcingh youq Baek- ging youq ndaej ndaej 8 ndwen lo.

(caengz sat)