Bi’gvaq, Dava Yauzcuz Swciyen genjcaz gihgvanh yawjnaek guh hong minzcuz gyauyuz, habngamj dwk cawqleix gij vwndiz gvendaengz minzcuz gvenhaeh, hezdiuz ndei gij gvenhaeh minzcuz, haenqrengz hawj gak minzcuz doxndei caemhyouq、huzndei caemh hoengh, vih minzcuz doxgiet cinbu saehnieb caux sevei vanzging huzndei.

Bi’gvaq, aen yienh neix gungh ciepdaih gij saeh ginzcung sij saenq daeuj fanjwngq vwndiz gungh 208 gienh nem doenghboux cigsoh daeuj fanjwngq vwndiz gungh 240 vunz. Aen yienh neix genjcaz gihgvanh daj goek daengz byai cungj gaemmaenh aen yenzcwz youq baihnaj faplwd bouxboux cungj doxlumj de, fanzdwg famhfap famhcoih, mboujguenj dwg minzcuz lawz, cungj ciuq faplwg cawqleix. Cawqleix gij vwndiz gven- daengz ginzcung doxceng, doenggvaq gyauyuz、 doxdoeng doxyaeng、gaij bae daengj banhfap bae gaijgez. Bi’gvaq aen yienh neix genjcaz gihgvanh haeujlaeg bae guh seveicujyi fazci gyauyuz 7 baez, dazyinx gak cuz ginzcung rox aeu faplwd daeuj henhoh gij gienzleih habfap bonjndang, aeu guh boux gunghminz rox faplwd souj faplwd.

(Lanz Yinz/蓝 云)