Duenh gonq, aen gunghswh heuhguh Guengjsae Feiz Yieng Ranz- raeuz Youjhan Gunghswh ok le geij souj go Vahcuengh, baugvat《Meh Bae Cammo》、《Fwen Ndiep》、《Fwenyoux Ngizciu》《Gyanghaemh Mbanj Raeuz》、《Va Moj Nding》, guh baenz MV, coq youq gwnz vangjloz, haujlai vunz diemj yawj, youq ndawbiengz gih raeuz hoengh raixcaix. Coq youq gwnz vangjloz gvaq duenh ndeu le, doenghboux vangjyouj cungj haenhndei, haujlai vunz dingq liux le youh lwnh hawj bouxwnq diemj yawj; youq ndaw Youhgu Sibinz nem Dwngzsin Sibinz, gungh bo 100 lai fanh baez. Ok gij go Vahcuengh neix, dwg aen gunghswh neix youq seizdaih sibinz laemxsim nyinhcaen swnjcienz vwnzva Bouxcuengh.

(ciuq Cunghgoz Vangj/中国网)