●3 nyied 26 hauh, Liujcouh Si hai aen hoih hong minzcuz, lwnhyaeng aen si neix《Aen Fangh’an Hengzguh Cunghyangh、Swcigih 》, anbaiz hong minzcuz seizdaih moq.

(Yenz Cinzyinh)

●Gyawj song bi neix daeuj, Ningzmingz Yen yinx nungzminz roengzrengz fazcanj canjyez dajndaem dajciengx miz daegsaek, daengx yienh nungzminz conhyez hozcozse miz 112 aen. Ndawde, Ningz- mingz Batgak Dajndaem Hozcozse、Naznanz Hungzfungh Ywdoj Dajndaem Hozcozse、Cilang Gosahyinz Dajndaem Hozcozse daengj 3 aen hozcozse bi canjciz mauhgvaq ik maenz.

(Couh Yizgangh)

●Bi’gvaq, doenggvaq engqgya cinjdeng dwk fuzbinz, gih raeuz vunz gungzhoj gemj- noix 96 fanh vunz daengz 538 fanh vunz, doenghgij ranghdieg fuzbinz、yienh cungdenj nungzminz bingzyaenz moix boux cinghsouhaeuj gyalai sang gvaq gij suijbingz gih raeuz aen bwzfwnhdenj ndeu.

(Couh Gez)

●Gaenh bi daeuj, Loz- cwngz Mulaujcuz Swciyen guh ndei vanzging henhoh, yinx le haujlai lauxbanj rogdieg daeuj roengzcienz caux canjyez, bi’gvaq aen yienh neix guh 21 aen hanghmoeg yinx vunz roengzcienz, gungh roengz 34.4 ik maenz, miz 16.57 ik maenz roengz daengz dieg lo.

(Veiz Yuzdai)

●Bi’gvaq, Yungzsuij Myauzcuz Swciyen Yungjloz Yangh dajndaem 1280 moux biekhom, moix moux soundaej 4500 lai gaen, canh ndaej 400 lai fanh maenz. Bineix daengx yienh dajsuenq dajndaem 15000 moux doxhwnj, caemh- caiq laeb cangjgyagoeng.

(Liu Swjyenh)