Seizcin rumz hung、mbwn hawqsauj, vunzraeuz hozdung lai di lo, danghnaeuz ndaw ndang noix veizswnghsu B12, couh yungzheih baenz naengbak in、gokbak nengz. Ngaz duhhenj dwg cungj byaek hamz veizswnghsu B12 lai ndeu, seizcin mbwn raeuj lij nit seiz, ciengzseiz gwn di ngaz duhhenj ndeu, ndaej hawj aenndang noix sied veizswnghsu B12.

Senj cawx ngaz duhhenj seiz, aeu senj cawx gij duhngaz ngamq did haenx. Aenvih ngaz did raez lai, hamz veizswnghsu B12 couh noix. Cauj cug le, dwk di meiqgwn ndeu roengzbae, veizswnghsu B12 couh noix sied bae lo.