Moix bi ndwencieng coit daengz cibroek, dwg seiz cietdiuqbo Lungzlinz Gak Cuz Swciyen Myauzcuz beixnuengx. Diuqbo, eiqsei dwg youq ndaw nywj ndaw va seizcin youzbyaij, byaij gwnz bo guhcaemz, yiengjsouh gij gyaeundei daswyenz, cietdiuqbo dwg aen ciet conzdungj beixnuengx Myauzcuz ndeu.

Youq duenh seizgan ngoenzciet neix, gyoengq beixnuengx Myauzcuz daenj buhmoq vaqmoq, dajcang gyaeundei dangqmaz, daj gak dieg daeuj “hwnj bo”, doxcomz youq gwnz ciengzbo, guh bin ganjbo、boqvenz diuqfoux、 gaiqdaenj doxdax daengj hozdung, angqhoh ngoenzciet, nauhyied dangqmaz. Gizgiz cungj yienh’ok minzcuz fungcingz noengznwdnwd, yienh’ok gij cingzngeih naekna gak minzcuz doxgiet haenx.

(Vangz Haijgez)