Gyong laz yiengj daenh mbwn, loxlez rwenz doh biengz. 3 nyied 2 hauh, angqhoh cietcaemgvej hozdung youq Denhngoz Yen Mbanjnazdoengh gawjhengz. Cietcaemgvej hozdung dwg “Bi 2015 Denhngoz Ciet Dahhoengz Vwnzva Lijyouz” ndawde aen hozdung youqgaenj ndeu. Hozdung ngoenzde, miz song fanh lai vunz daeuj yawj.

Denhngoz Yen Mbanjnazdoengh dwg dieggoek Dahhoengz Bouxcuengh caemgvej minzsuz vwnzva. Caemgvej minzsuz vwnzva cienzciep caeuq henhoh, youq rangh Dahhoengz guh ndaej ceiq ndei. Ciengzgeiz daeuj, moix bi ndwencieng coit daengz cibngux, vunz dangdieg couh gag cujciz guh cietcaemgvej minzsuz vwnzva hozdung, souj gitleih, gouz ndaw bi moq rumz swnh raemx cuk, gohaeux baenzsou.(Vangz Yenzsungh)