Youq“song hoih”geizgan, miz boux daibyauj ndaw Gvangjsih daibyaujdonz de ok geiqmaeuz: Laeb saujsu minzcuz denyingj densi fanhoiz nem cauxguh cungsim, hawj vunz saujsu minzcuz ndaej gvaq vwnzva swnghhoz engq lai. “Seizneix doengh- gij denyingj densi dingzlai dwg Vahbujdunghva (Vahgun), danhseih youq dieg saujsu minzcuz comzyouq liz ndawsingz gyae de, mizmbangj bouxgeq nem bouxcungnienz dingq mbouj daih rox Vahbujdunghva.”Daengx guek yinzda daibyauj、Gvangjsih boux cozgyah okmingz heuhguh Fanz Yizbingz genyi, Gvangjsih mizgven bumwnz wnggai laeb aen saujsu minzcuz denyingj densi fanhoiz nem cauxguh cungsim, boiq vah minzcuz coq doenghgij cozbinj ndei, youq dangdieg densidaiz book, hawj vunzlai ndaej gvaq vwnzva swnghhoz lai ndei. (Vangz Cinhnanz/王春楠 Gungh Vwnzyingj/龚文颖)