●Duenh neix, bouh denyingj aeu Vahcuengh baihnamz boiq- yaem heuhguh《Denhginz》de youq Lungzcouh Yen gak dieg cuengq- yingj, daj bi’gvaq 10 nyied daengz bineix 2 nyied, gaenq youq daengx yienh 12 aen yangh(cin) 88 aen cunh mbanj cuengqingj, bouxyawj daihgaiq miz 2 fanh vunzbaez.

(Dwng Haijcouh)

●3 nyied 12 hauh, Lozcwngz Mulaujcuz Swciyen hai aen hoih daengx yienh minzcuz gunghcoz nem daihseiq baez minzcuz doxgiet cinbu byaujcangh daihhoih, byauj- cangh 30 aen“daengx yienh minzcuz doxgiet cinbu mozfan cizdij”nem 60 boux“daengx yienh minzcuz doxgiet cinbu mozfan goyinz”.

(Veiz Yuzdai)

●3 nyied 12 hauh, Lungzlinz Gak Cuz Swciyen youq yienhsingz gawjbanh fouxgvangjcangz beizyin- banh, gungh beizyin 15 ngoenz, ndaw yienh 60 boux yezyiz vwnzyi guzgan camgya. Baez beizyin neix son diuq doenghgij foux Myauzcuz、Yizcuz、Gwzlauj- cuz、Bouxcuengh nem Bouxgun daengj gag caux, beizyin liux le, “sam nyied sam”geizgan youq ndaw yienhsingz baijyienj.

(Dauz Dwzgvangh)

●Bi’gvaq, Denzlinz Yen gibseiz anbaiz 1818.69 fanh cienz- ngaenz Cunghyangh cienmonz ok de, hawj 3 fanh lai boux hagseng saujsu minzcuz diegbya gungzhoj de ndaej mienxfeiq gwn ngaiz- yingzyangj; ndaw yienh caizcwng ok 257.6 fanh maenz, hwnjguh 11 doengh laeuz fandangz hagseng, gungh 1224 bingzfanghmij, lij roengz 210.32 fanh maenz cien- monz cawx doenghyiengh fan- dangz.

(Banh Sauginh)

●Daj 2009 nienz daengz 2014 nienz, Yungzsuij Myauzcuz Swciyen haigoeng guh“it saeh it yaeng”hanghmoeg 1069 aen, baugvat guh roen moq、bu roen suijniz、coih mieng、guh lanzgiuz- cangz nem vwnzvasiz、vunz caeuq doihduz gwnraemx、ceiqleix vanzging daengj hanghmoeg, gungh roengz 17188 fanh maenz, hawj 141 fanh vunz souh’ik.

(Liu Swjyenh)