Bouxlaux ciengz gwn dangzrwi, ndeicawq lairaeuh.

Baujhoh dungxsaej. Bouxcung- nienz caeuq bouxlaux baenz menh- singq dungx in、aendungx caeuq cibngeih cijcangz biux naeuh, hab ciengz gwn di dangzrwi ndeu. Aenvih gij meiz ndaw dangzrwi ndaej diuzcez veisonh, ndaej menhmenh diuzcez veisonh hawj de dabdaengz cingq- ciengz suijbingz.

Yunghfap: Boux veisonh noix, ndaej youq yaek gwn haeux gaxgonq cigciep gwn dangzrwi, hix ndaej gaengawq swhgeij haengjgyaez heuz di raemxgoenj liengz ndeu gwn. Boux veisonh lai ndaej aeu raemxraeuj heuz saw, caemhcaiq youq caengz gwn haeux gaxgonq diemj buenq daengz song diemj cung、roxnaeuz gwn haeux gvaq 3 diemj cung gwn.

Nyinh bwt dingz ae. Dangzrwi ndaej siu haenz、giep myaiz、nyinh bwt、dingz ae, dangzrwi makleizsezliz dingz ae cozyung ceiq ndei.

Yunghfap: Aen makleizsezliz ndeu, cab baenz gaiq mbang gyaux dangzrwi gwn, ngoenz gwn geij baez.

Gyangq hezyaz doeng haex. Ndaw dangzrwi hamz gyaz lai, gyazlizswj ndaej coi nazlizswj baiz ok rog ndang daeuj, veizciz dengaijciz ndaw lwed doxdaengh, ciengzseiz gwn dangzrwi ndaej baujhoh sailwed、gyangqdaemq hezyaz、nyinh saej doeng haex.

Yunghfap: Gyanghaet dungx byouq seiz gwn boi dangzrwi ndeu, gyanghaemh yaek ninz seiz caiq gwn boi he dem.

Siu dungxraeng. Dangzrwi ndaej coi diuzsaej noddoengh, ok haex doengswnh.

Yunghfap: Gyanghaet dungx byouq seiz gwn 25 gwz dangzrwi.

Gej laeuj hoh daep. Dangzmak ndaw dangzrwi ndaej coi ciujcingh faengaij supsou, hawj vunz laeuj singj vaiq. Linghvaih, dangzrwi doiq yizganh、cijfangzganh、daep ndongj hix miz bangbouj ceihyw cozyung.

Yunghfap: Caengz gwn laeuj gaxgonq gwn 50 gwz dangzrwi roxnaeuz gwn geij aen bingjgan led dangzrwi, gwn laeuj gvaq cix gwn raemx dangzrwi.

Vanjgaij naetnaiq. Dangzrwi ndaej vaiqvet bouj naengzliengh hawj aen’uk bouxvunz, gij dangzmak caeuq makit ndaw dangzrwi ndaej gig vaiq deng ndang vunz supsou leihyungh, gaijndei yingzyangj ndaw lwed cang- gvang.

Yunghfap: Banngaiz gwn boi raemx dangzrwi ndeu.