Biux naeuh: Seizcin aenndang baiz ok demlai, raemx dungx hix demlai lo, ndigah, rox yinxhwnj veisonh iemqok demlai, daj neix yinxhwnj roxnaeuz yaeuhfat baenz binghbiuxnaeuh. Boux baenz biux naeuh wng hableix gwnndoet, guhhong yietnaiq doxgiethab, baujcwng ninz gaeuq, fuengz nit bauj raeuj, onjdingh cingzsi.

Hwnjnwnj: Seizcin mbwn raeuj va hai, fanh faed ndiusingj, veiz- swnghvuz、vafaenj、faiq goyangzliuj daengj yungzheih hawj boux naengnoh hwnjnwnj canjseng bienqdaiq fanjying, daj neix yaeuhfat baenz ae’ngab、cinzmazcimj、gominjsing sailwed in daengj.

Bingh sim sailwed: Seizcin, gij cingzsi vunzraeuz ceiq hoenghvuengh, gyahwnj seizcin mbwn lij nit, sailwed sousuk, hezyaz swng sang, ndaw ndang duetraemx le lwed niu gwd, yungzheih yaeuhfat baenz bingh sim sailwed. Wng haeujsim bauj raeuj, bouj gwn raemx, onjdingh cingzsi.

Gyazhingz ganhyenz: Danhfanz okyienh fatndat、gwn mbouj ndaej haeux、rub myaiz、rueg ok、rengz naiq、naj henj、saek nyouh lumj caz gwd nei seiz, wng gibseiz bae yihyen duenq yw, yawj dwg mbouj dwg gyazganh.

Binghgezhwz: Riengzdwk heiq- yiengz swng hwnj, yaemyiengz ndaw ndang mbouj doxdaengh, menjyizliz aenndang doekdaemq, gezhwzgin couh gojnwngz ciemq haeuj ndaw ndang bae.

Riuzhengzsing ok lwed caemh- caiq fatndat: Sawqmwh lau nit, caiq daeuj couh dwg fatndat、naj nding、fajaek caeuq doengjmbaq hoengzfwg, buenx miz gyaeuj in、gvaengzda in、hwet in caeuq naengnoh ok lwed baenz diemj baenz diemj seiz, wnggai gibseiz bae yihyen duenq yw, mienxndaej bingh naek nanz gouq ndaej dauq.