Aen ciet seizcin fat rumz lai, haujlai vunz cungj haengj linx riz naengbak, ndigah yungzheih baenz naengbak dekleg.

Canghyw genyi naeuz, seizcin wng lai gwn ngaz duhhenj、byaekyouzcai、byaekhau iq、lauxbaeg hau daengj byaekheu singjsien hamz veiswnghsu lai he.

Maenzcienz yingzyangj lai, daj ciuhgeq roengzdaeuj couh dwg gij huqndei bouj haw haenx. Maenzcienz hamz miz youzliz anhgihsonh、doh- fwnh yangjvameiz daengj doxgaiq, gwn de ndaej nyinh bouj. Maenzcienz caeuq nohhanq aeuq gwn, ndaej ik heiq、siu ndat、seng raemx, doiq ceihyw naengbak dekleg daih miz ndeicawq.

Dangznae aeuq raetngaenz. Aeu 50 gwz raetngaenz, 10 aen makcauj nding, di dangznae ndeu caez aeuq dang gwn, moix ngoenz gwn 3 daengz 4 baez.

Ronq soiq haijdai aeuq dang ciengzseiz gwn.

Aeu daezsingj dwg, mwh naengbak dekleg seiz, gaej yungh fwngz bae sik de, mienxndaej baksieng engq ok lwed in lai.