Mboengqneix daeuj, Yungzsuij Myauzcuz Swciyen ndaw Sinhvaz Suhden vunz lai vunz daih, gyoengq hagseng daeuj cawx saw lai raixcaix. 2 nyied 28 hauh dwg hagseng haihag bauqmingz ngoenz daih’it, gyoengq cungh siujyoz hagseng daeuj daengz ndaw diemqsaw, gyoengq hagseng mizmbangj ing gyaqsaw yawj saw; mizmbangj naengh youq gwnz dieg sijsaeq nyinhcaen doeg saw; mizmbangj nyinhcaen genj saw cawx saw. Daihgya cungj yaek youq ndaw haggeiz moq roengzrengz doegsaw, ceng’aeu cingzcik ndei.

( Lungz Yingjyingj/龙颖颖)