2 nyied 27 hauh, dwg liggaeuq ndwencieng cogouj. Ngoenzde, gyoengq ginzcung Sanhgyangh Dungcuz Swciyen Laujbauj Yangh Bwzvwnz Cunh Mbanjgujce youq ndaw mbanj gawjbanh yienj Heiqdungcuz hozdung, aen hozdung neix, aeu cienzciep minzcuz vwnzva guh cawjdaez, daihgya yienj heiq angqvauvau gvaq bi moq. Heiqdungcuz fatok youq Cinghcauz Gyahging、Daugvangh duenh seizgan haenx, Heiqdungcuz miz “dagomwnz”、“siujgomwnz”、caeuq “sing bujdungh”、“singdaej”、 “singlaeng ” daengj conzdungj ciengq fap, yozgi miz ngeihyienz、gimzgavaiz、laz、gyong daengj, byaujyenj hingzsik genjdanh, yenjyenz youq gwnz daizfoux baiz doxvang baenz coij. Heiqdungcuz gig ndaej daengz gyoengq ginzcung maengxgyaez. 2011 nienz, Sanhgyangh Heiqdungcuz ndaej lied haeuj guekgya gaep feihvuzciz vwnzva yizcanj mingzloeg. (Vuz Lenyinh/吴练勋)