Gaenh bi daeuj, Cauhbingz Yen Senhveiz Yauzcuz Yangh doenggvaq gyarengz guh daegsaek canjyez, coicaenh le daengx yangh ginghci sevei ndaej fazcanj. Bi’gvaq 8 nyied, aen yangh neix laeb le raetmoegngaex ndaem dajndaem gihdi, guj daengx bi ndaej raetsauj 120 dun doxhwnj, bi canjciz ndaej 700 fanh maenz daengz 925 fanh maenz, hawj nungzminz gyalai souhaeuj 100 fanh daengz 225 fanh maenz. Guj doenghgij ranz dajndaem de moix ranz ndaej laisou 5000 maenz doxhwnj. Bi’gvaq aen yangh neix 100 lai ranz nungzhoh doenggvaq dajndaem raetmoegngaex baenzfouq, hawj lajmbanj 200 lai vunz ndaej hong guh. Aen yangh neix cengaeu bineix youq daengx yangh doigvangq, sawj ranz dajndaem raet demlai daengz 300 hoh doxhwnj, ndaem daengz 800 moux, hawj aen yangh neix bienq akgiengz, vunzlai bienq fouqmiz. (Luz Veij/陆 伟)