●2 nyied 25 hauh, Sanglinz Yen youq yienhsingz gawjbanh 2015 nienz yienh- ciengz cauhbinvei, 40 lai aen giyez daj ndaw yienh rog yienh daeuj gizneix aeu vunzhong, 3000 lai bouxrahong daeuj camgya baez cauhbinvei neix.

(Lanz Couh Lij Nenzcwng)

●2 nyied 26 hauh, Liuj- couh Si Cungjgunghvei youq Sanhgyangh Dungcuz Swciyen Gujyiz Cin Minzcuz Dohyeh Gvangjcangz gawjhengz cauh- binvei, 120 lai aen giyez daj Liujcouh Si nem ndaw yienh daeuj neix daezhawj geij cien aen gangjvei hawj doenghboux nungzminzgungh senj hong guh.

(Gungh Bujgangh)

●Cieng coseiq daengz cieng cocaet, Lozcwngz Mulauj- cuz Swciyen gawjhengz daih- roek gaiq daengx yienh lajmbanj vwnzyi comzyienj hozdung, daengx yienh 60 lai aen vwnzyidui 1000 lai boux yenjyenz ndawbiengz byaujyenj 90 lai aen cezmuz, diuqfoux、siujbinj、caijdiu、mozsuz daengj, cezmuz lai cungj lai yiengh, neix hawj vunzlai angqyangz vuenyungz dwk gvaq cieng ndei.

(Veiz Yuzdai)

●Bineix ndwencieng, Siengcouh Yen Swcunh Cin Danzcunh boux dangjyenz mehmbwk heuhguh Ouh Haij- yinz guhdaeuz ok 5000 maenz hawj ndaw cin guh ndwencieng vwnzdij hozdung, youq de yingjyangj lajde, daengx cin 13 boux godijhu ok cienz ok rengz, gyoengqde gungh ok ngaenz 3.8 fanh maenz.

(Liu Bwnjvei)

●Cieng co’ngux daengz cieng cibsam, Denhdwngj Yen Duhgangh Yangh Gyangsiengz Cunh Mbanjlungzduz gawjbanh vad ruz、dwk lanzgiuz、vwnzyi vanjvei daengj hangh doxdax, neix yinx le ndaw cunh rog cunh gyawj cien vunz camgya doxdax.

(Vangz Lilanz Nungz Gveilanz)