Geij ngoenz gonq, gicej daj Nanzningz Si Yisuz Giyen ndaej siusik, 1 nyied 30 hauh daengz 2 nyied 22 hauh, aen heiqfoux hung Bouxcuengh heuhguh 《Gyaep Bae Henzmbwn》daih’it baez youq Ouhcouh yienjok, youq Yinghgoz Lunzdunh、Fazgoz Bahliz、Dwzgoz Fazlanzgwzfuz、Suisw Yizneivaj、Bijlisiz Bulujsaiwj daengj haj aen singz liebyienj 14 ciengz, hawj bouxngonzyawj Ouhcouh ndaej yawj gij yienghsiengq maenhndei heiqfoux Bouxcuengh.

《Gyaep Bae Henzmbwn》aen heiqfoux dwg neix ciuq cit goj《Mehlwg Ra Henzmbwn》gaijbien, couhdwg gangj le gij saeh gvendaengz song mehlwg Bouxcuengh doengzcaez haenqrengz ra gijrongh. Daengx aen heiq neix baijok le minzcuz funghcingz gih raeuz lai cungj lai yiengh nem gij minzcuz singgwz nem minzcuz cing- saenz vunz Bouxcuengh gyaepra gij- rongh、mbeilaux maenhdingh、mbouj- duenh baenaj、enjaek doxhwnj.

Baez yienjok neix ndaej vunzlai fanjwngq gig lai, Fazsinhse、Feigyahloz Bau daengj gak aen meizdij hung de baudauj le baez yienjok neix. Fazgoz boux cozgyah Bulijsai naeuz：“Aen heiqfoux neix yienh’ok le gij hung- mbwk gvendaengz vwnzyoz ndaw biengz Cungguek, hawj bouxyawj gig gamjdoengh!”Bouxyawj Yinghgoz heuhguh Sanghnaz yawj liux haenh gyoekgyoek bae:“Daih ndei lai! Doenghboux yenjyenz diuqfoux de aen ndang yienj ndaej daengz giz ceiq ndei, neix dwg gou baez daih’it yawj heiqfoux Cungguek, baez daih’it couh saenq daengz ndaw sim!”Suisw miz bouxyawj ndeu heuhguh Lozdwzlijgoh nyinhnaeuz, daengx ciengz yienjok caemh miz doenghgij yienhdaih nem conzdungj, baez yienjok neix baijok le aen goj Cungguek ndeu, danhseih ningdoengh daengz ndawsim vunz sih- fangh (Ouhcouh). (Cinz Vwnz/秦 雯)