Ngamq haicin lij dwg rumznit guhcawj, ndaej lai gwn di byaekgep ndeu daeuj giep yaem sanq nit.

1、Byaekgep ndaej sanq cwk vued lwed. Byaekgep ndaej vued lwed、sanq cwk、gej doeg, mizleih ndang vunz gyangqdaemq hezcij、fuengzceih lwedhaw、gvanhsinhbing、doenghmeg giet ndongj.

2、Byaekgep ndaej cangq dungx siu gijgwn. Byaekgep ndaej bauj raeuj、cangq dungx, ndawde hamz miz gij nyinzsei co ndaej coi diuzsaej noddoengh, bang ndang vunz siuvaq. Mboujdanh ndaej fuengzceih ciengzseiz baenz haexgaz caeuq diuzsaej baenz aiz, lij ndaej bausuek huqcab ndaw conghsaej riengz haex baiz okdaeuj, ndigah ndawbiengz heuh de guh “byaek swiq saej”.

3、Byaekgep ndaej sek dungx hawj vunz lai gwn ndaej doxgaiq. Ndaw byaekgep hamz miz fanghyangh veihfazyouz doenghgo, ndaej hawj vunz sek dungx lai gwn ndaej doxgaiq, lwgnyez、bouxlaux、mehdaiqndang habdangq gwn di byaekgep ndeu, mizleih aenndang gengangh.

4、Byaekgep ndaej hoh naengnoh raeh da. Ndaw byaekgep hamz miz veizswnghsu A lai, gwn de mboujdanh ndaej meijyungz、raeh da caeuq nyinh bwt, lij ndaej hawj vunz noix baenz siengfung dwgliengz、ae’ngab daengj bingh dem.

5、Byaekgep ndaej gaj nengz siu in. Ndaw byaekgep hamz miz liuz vahozvuz, miz itdingh gaj nengz siu in cozyung, ndaej hanhhaed luznungz- ganjgin、sienghanz、okleih、dacangzganjgin caeuq buzdauzgin saek gimvuengz.

6、Byaekgep ndaej bouj heiq cangq yiengz. Vunz ciuhgeq heuh byaekgep guh “byaek cangq yiengz”, ndaej fuengzceih viz loij、hwet in、nyouh deih、 ga unq daengj bingh.