Hangzgauqmou dwg cungj binghlah bingh- doeg ganjyenj yinxhwnj ndeu, de ndaej doeng- gvaq bungqdeng、myaiz sinz daeuj cienzlah, it bi seiq geiq cungj rox fatbingh. Danhseih youq seizdoeng gap seizcin ceiq yungzheih fatbingh. Ndigah, seizcin ceiq hab fuengz bingh hangz- gauqmou.

Yienhdaih yihyoz cungjgez caeuq gaigvaz hangzgauqmou cujyau binghyiengh dwg: Giz rwzduiq guh cungsim dauqlaj gawh hung, insep roxnaeuz naenx in gig mingzyienj, aj bak sinhoj、fatndat、mbouj ngah gwn doxgaiq. Itbuen geiz- gaenzgaeq 2 daengz 3 aen singhgiz, sien dwg mbiengj ndeu gawh hung, caemhcaiq buenx miz insep caeuq ndatremj. Youq duenh seizgan neix ndawde, aeu gekliz vunzbingh, siu foeg aen singhgiz he le couh mbouj rox cienzlah hawj vunz lo.

Seizcin, mbangj vunz aenvih binghdoeg hangzgauqmou ganjyenj yinxhwnj hangzlaj foeggawh, caeuq bingh hangzgauqmou doxlumj, song cungj bingh neix ndaej gwn yw bingduzco daeuj yw. Gwn cungj yw neix aen couhgiz ndeu le, couhcinj giz foeggawh caengz siu bae caez, danhseih yw hix menhmenh youq ndaw ndang fazveih cozyung. Danghnaeuz gwn yw duenh seizgan ndeu giz foeggawh lij caengz siu bae, ndaej laebdaeb gwn gij yw dingj binghdoeg wnq daeuj yw.

Hangzgauqmou dwg cungj binghlah ndeu, gij lwgnyez 3 bi doxhwnj rengz dingj bingh yaez caeuq vunzhung ceiq yungzheih deng ganjyenj. Seizdoeng gap seizsin itdingh aeu singjgaeh hangzgauqmou, caenhliengh noix caeuq vunz- bingh doxbungq. Baez raen miz mbouj doengz bingzciengz, wng sikhaek bae ra canghyw cawqleix.