ngoenzneix dwg gyoengq doengzhag siujyoz doxcomz, gyoengq doengzhag caez youq ranz lauxsae siujyoz raennaj. Miz hauj- lai doengzhag ngeihcib bi mbouj doxraen lo, daihgya bienqndaej baenzlawz yiengh ne?

“Siujdoh, vaiq di lo.” Gou cingq yaek ok dou, couh dingqnyi miz vunz hemq gou.

Ok dou baez yawj, dwg Siujgiz, de hai aen ci gauhgohgi ndeu, de dwg boux fatmingzgya mizmingz ndeu. De yawjraen gou, sikhaek roengz ci daeuj, gaem dawz fwngz gou gangj:“Hai, gyauyuzgyah Siujdoh, hwnj ci ba, raeuz itheij bae ranz lauxsae.”

Ci youq gwnz loh hai vaiq lumj mbin nei, yaepda couh daengz ranz lauxsae lo. Lij caengz haeuj ranz, dou couh dingqnyi sing riu lo. Dou vaiq di haeuj ranz bae. Yo, boux neix mbouj dwg Siujbinh ha, o, boux neix dwg Siujhoengz, boux haenx dwg Siujgen…… daihgya cungj daeuj lo! Yienznaeuz ngeihcib bi le cij caiq doxraen, yienghceij bienq haujlai lo, hoeng gij yienghceij seizcoz lij miz bw, daihgya cungj lij nyinh ndaej ok. Siujbinh seizneix dwg boux cozgyah, Siujhoengz dwg gohyozgyah, Siuj- gen dwg boux ciengqgo, Siujmingz caeuq gou ityiengh dwg gyauyuzgyah……

Daihgya humx youq henz ndang lauxsae, lauxsae yienz- naeuz bienq laux lo, hoeng lij gig cingsaenz, de naj riunyumj caeuq daihgya gangj gij saeh seiziq, dingq daihgya gangj ngeihcib bi daeuj guh gij saeh haenx, gyoengq doengzhag bouxboux angqvauvau, lwnhgangj gij goj swhgeij……

Doeklaeng, daihgya itheij ciengq diuz go 《Ngeihcib Bi Le Caiq Doxcomz》. Daihgya doxiek ngeihcib bi le caiq doxraen.

（指导老师：罗少维）