Ndwencieng gaxgonq, miz duenh ndeu, Lingzyinz Yen Swhfazgiz gaemdawz aen gihvei vunzlai dauq mbanj nem ndaejhoengq, aeu vah saujsu minzcuz dangdieg senhconz faplwd, youq Yihungz、Lozlouz daengj 8 aen yangh(cin) gak cunh mbanj guh bujfaz senhconz, hawj faplwd cienz haeuj ndaw sim vunzlai.

Ciuq cam rox, gaenh bi daeuj, Lingzyinz Yen Swhfazgiz dawz gij faplwd fazgveih caeuq vunz saujsu minzcuz lajmbanj gig nemgyawj de bien baenz fwen, dawz gij cihsiz faplwd hoj rox de bien baenz fwen ngaih rox, hawj vunzlai ndaej roxyiuj nem gyaez cienz ciengq, doengzseiz aeu Vahgun、Vahcuengh、Vahyauz sam cungj vah neix daeuj loegguh gvanghdez(deb) fat hawj vunzlai. Daengz dangqnaj, aen giz neix gungh baij vunz roengz mbanj haeuj ranz bae senhconz nem bo ok faplwd 8 baez, ciep vunzlai daeuj cam 200 lai vunzbaez, fat senhconz swhliu 1000 lai faenh, soengq gvanghdez 80 lai mbaw, han ginzcung cam 50 vunzbaez.

(Vangz Yenzyungz/黄元荣 Lij Meijvuenh/李美欢)