Cunghgoz Minzcuz Yijvwnz Fanhyizgiz Caeuq Gvangjsih Minzcuz

Dayoz Doxhab Beizyangj Vunzcaiz Hoiz Vahcuengh Sawcuengh

Vihliux gvancez gij cingsaenz gvendaengz vah Siz Ginbingz youq Cunghyangh Minzcuz Gunghcoz Veiyi gangj de, gyarengz beizyangj vunzcaiz hoiz Vahcuengh Sawcuengh, 2 nyied 11 hauh, aen yizsi ciemdingh hezyi nem venj baiz coq gihdi de youq Gvangjsih Minzcuz Dayoz gawjhengz, aen gihdi neix heuhguh Cunghgoz Minzcuz Yijvwnz Fanhyizgiz caeuq Gvangjsih Minzcuz Dayoz doxhab guh aen gihdi beizyangj vunzcaiz hoiz Vahcuengh Sawcuengh. Youq gwnz yizsi, Gvangjsih Minzcuz Dayoz yaucangj Se Sanggoj、Cunghgoz Minz- cuz Yijvwnz Fanhyizgiz fugizcangj Lij Yuzlen、Swcigih Minzyijveij fusinz- siyenz Yangz Yigez daengj camgya baez yizsi neix. Ciuq hezyi gangj, Cunghgoz Minzcuz Yijvwnz Fanhyizgiz caeuq Gvangjsih Minzcuz Dayoz gyarengz doxhab guh hong son- gyauq、beizyin vunzcaiz、yenzgiu gij lijlun fanhoiz、yezvu doxgyau daengj gvendaengz Vahcuengh Sawcuengh, doengzcaez coicaenh hong Vahcuengh Sawcuengh nem hong fanhoiz Vahcuengh Sawcuengh ndaej gohyoz fazcanj baenaj. (ciuq Cunghgoz Minzcuz Yijvwnz Fanhyizgiz)