Cunghyih conhgyah dizcang gwnndoet doxdaengh, cungfaen leihyungh sam donq gwnndoet daeuj bouj raemx siu huj, daj neix daeuj diuzleix aenndang fuengz seizdoeng hawqsauj.

Daih’it, aeu cangq mamx、bouj daep、cing daep guhcawj. Wng lai gwn dangzrwi、mak- sanhcah、makbug、maksiglouz、makbingzgoj daeuj gyavaiq dungxsaej noddoengh, nyinh yaem nyinh sauj.

Daihngeih, noix gwn gyu. Aenvih gwn gyu lai rox gyangq- daemq nemmuek rengz dingj bingh, gak cungj nengzbingh couh ciemq haeujbae yinxhwnj baenz conghhoz in.

Daihsam, gwn gijgwn hojgoh manhget aeu gya gwn di laux- baeg、daeuhfouh、byaekhau ndeu, yienghneix ndaej fuengz hwnj- huj.

Mehmbwk seizdoeng din- fwngz gyoet, cungj haengj gwn di nohcwz nohyiengz ndeu daeuj dingj nit, danhseih nohcwz noh- yiengz dwg gij huq bouj raeuj, gyahwnj coeng、hing、suenq、lwgmanh、gveiqbeiz、gaeujgij、danghgveih daengj huqbouj dem, gwn lai couh engqgya hawqsauj, ndaw ndang yungzheih hwnjhuj. Ndigah, gwn bouj le ngoenz daihngeih ciengz okyienh miz bak hawq linx sauj、ae mbouj ok caemhcaiq naengnoh humzhaenz daengj yienghsiengq, genyi boux yungzheih hwnjhuj lai gwn di huqbouj nyinh yaem nyinh sauj ndeu.