Daih’it, nohlab youzlauz lai. Moix 100 gwz nohlab hamz youzlauz sang daengz 50%; mboujdanh baenzneix, ndaw nohlab lij hamz miz haujlai danjgucunz(moix 100 gwz hamz miz 123 hauzgwz danjgucunz), lij sang gvaq nohmou 50%. Daihngeih, nohlab yingzyangj sied bae lai. Mwh guh nohlab seiz, haujlai veizswnghsu caeuq veizlieng yenzsu ndaw noh gaenq sied bae liux, lumj veizswnghsu B1、veizswnghsu B2、yenhsonh、veizswnghsu C daengj gaenq cienzbouh sied bae liux. Daihsam, ndaw nohlab hamz gyu lai, moix 100 gwz nohlab hamz miz baenz 800 hauzgwz gyu, mauhgvaq nohmou bingz- yaenzliengh cibgeij boix. Ciengzgeiz daih- liengh gwn nohlab, rox hawj ndang vunz sup haeuj gyu daiq lai, gojnwngz rox yinxhwnj hezyaz swng sang roxnaeuz fubfeb.

Ndigah, doiq boux hezcih sang daeuj gangj, ngoenznaengz gwnndoet wng genj gwn youzdoenghgo、youzmakgyamj、youzyouzcaz daengj. Moix ngoenz gwn 20 daengz 25 gwz couh ndaej lo,ciengeiz gaej gwn lauzmou bw.