Mizmbangj mehmbwk daiqndang le amqbak mbouj ndei, gyahwnj siengj rueg daengj yenzyinh, cungj haengj bien gwn huqsoemj. Baenzneix, baenzlawz gwn soemj cij gengangh ne? Mehdaiqndang gwn soemj aeu gangj gohyoz cij ndaej. Vunzgoeng iep byaeksoemj caeuq meiqsoemj yienznaeuz miz feihsoemj, danhseih veizswnghsu、danbwzciz、gvangvuzciz、dangz daengj lai cungj yingzyangj cwngzfwn ca mbouj lai sied bae liux lo, caemhcaiq gij yasiuhsonhyenz baenz aiz doxgaiq youq ndaw byaeksoemj hamzliengh haemq sang, gwn gij byaeksoemj neix lai le doiq daxmeh caeuq lwg- ndawdungx fouz ik. Ndigah, gij mehmbwk haengj gwn soemj haenx, ceiq ndei senj gwn gij byaek mak hamz miz feihsoemj youh miz yingzyangj de, lumj makyungz、makyingh- dauz、makseq、makleizsan、makgam、mak- cauj soemj、makit、makbingzgoj heu daengj, yienghneix gawq naengz gaijndei conghsaej mbouj cwxcaih, youh ndaej sek dungx hawj vunz lai gwn ndaej doxgaiq, gyagiengz yingzyangj, mizleih lwgndawdungx sengmaj.