Byaekheujmax hamz miz danbwzciz、youzlauz、liuzanhsonh、hwzvangzsu daengj gak cungj yingzyangj doxgaiq. Aenvih de hamz miz doxgaiq soemj haemq lai, ndigah gwn seiz miz cungj feih haemz ndeu. Gij yw yungh goengnaengz de dwg siu ndat gej doeg、liengz lwed dingz lwed. Youh aenvih de hamz miz gi’gyazsin sangsensu, ndaej coicaenh yizdaujsen iemq yizdaujsu okdaeuj, diuzcez dangz ndaw ndang vunzraeuz baiz okdaeuj, gyangqdaemq hezdangz nungzdu, baujciz hezdangz onjdingh, ndigah doiq binghnyouhdangz miz itdingh ceihyw cozyung. Linghvaih, de lij hamz miz cungj bubaujhoz cihfangzsonh ndeu, ndaej hanhhaed danjgucunz caeuq ganhyouz sanhcij habbaenz, ndaej baujhoh sailwed aensim. Gwnfap miz haujlai cungj, log raemxgoenj le cauj gwn、guh liengzban gwn、guh hamh gwn cungj ndaej.