Hab gij lwgnding doekseng ndaej 4 ndwen doxhwnj gwn.

Caizliuh: Byaekbausim 30 gwz, lauxbaeg nding 30 gwz, di raemxreiz ndeu.

Guhfap: Swiq byaekbausim、lauxbaeg nding seuq ronq baenz sei; dwk di raemx he caeuq sei byaekbausim、sei lauxbaeg nding itheij hai feiz cawj goenj; cawj goenj yaep ndeu le, aeu buenq vanj raemxbyaek gya buenq vanj raemxreiz(gaej hamz miz naed), gyaux ndei couh baenz.

Raemxbyaek caeuq raemxreiz bijli dwg 1 : 1.

Byaekbausim hamz miz lai cungj veizlieng yenzsu ndang vunz aeu miz haenx, ndaej coicaenh suphaeuj caeuq baizok, ndaej bangcoh lwgnding sengmaj fazyuz, de noix ndat, loq diemz, lwgnding haengj gwn. Dapboiq lauxbaeg nding gij huq saek sien neix, lwgnding ceiq haengj gwn.