Cunghyih nyinhnaeuz, ndaw ndang vunzraeuz miz giz saenzdingz ndeu, gizhaenx dwg giz hawj vunzraeuz coengmingz lingzleih, gizde cujyau dwg diuzgung sinzgingh hidungj. Ciengzseiz naenxat gizde, ndaej hawj aen’uk bouxvunz engq coengmingz, caemh ndaej daez saenz cingh sim. Linghvaih, ciengz naenxat gizde, lij ndaej yw linjlau mbouj onj、gyaeuj in daengj bingh.

Saenz dwg vix yienzsaenz, dingz dwg vix gunghdingz、dingz- dangz. Cunghyih naeuz, “aen’uk dwg gij goekrag yienzsaenz”, saenzdingz dwg giz ceiq cungsim goekrag, vunzraeuz coengmingz couhdwg daj gizhaenx okdaeuj.

Giz saenzdingz youq gwnz gyaeuj, youq aen’gyaeuj giz cungq- gyang cig hwnjbae 0.5 conq. Aenvih gizde cujyau cozyung dwg diuzgung sinzgingh hidungj, naenxat gizde ndaej gemjmbaeu boux baenzin genga insep. Danghnaeuz swhgeij saekseiz gyaeuj ngunhswg- swg, roxnaeuz cingzsi fubfeb gig daih, moix ngoenz naenxat gizde 50 daengz 100 baez couh ndaej.