Seizdoeng dwgliengz gwnndoet miz gimqgeih, Baenz dwgliengz seiz, ndaej lai gwn haj cungj doxgaiq lajneix.

1、Dang caeuq cuk cit. Dwg- liengz seiz, goengnaengz dungxsaej bouxvunz nyieg lai lo, cuk caeuq dang cit yungzheih siuvaq, doengzseiz cuk ndat dang ndat ndaej coi ndang vunz ok hanh, danhseih ok hanh le aeu haeujsim bouj gwn raemx.

2、Naengj bya caeuq gaeq gwn. Ndang vunz nyieg seiz, aeu haeujsim bouj gwn youhciz danbwzciz. Ndaw nohgaeq caeuq nohbya hamz miz lai cungj anhgihsonh ndang vunz aeu miz haenx, caemhcaiq gij danbwzciz de yungzheih siuvaq supsou, ndaej hawj aenndang lai dingj ndaej binghdoeg dwgliengz.

3、Gwn lauxbaeg. Gij lozbuzsu ndaw lauxbaeg ndaej yawhfuengz dwg- liengz, caemh ndaej vanjgaij mwh dwgliengz myaiz lai. Guhfap: Dawz lauxbaeg cab soiq daem yungz nyaenj aeu raemx, caiq daem hingndip yungz nyaenj aeu raemx heuz raemx lauxbaeg heuz raemxgoenj gwn.

4、Gwn yiengzcoeng caeuq gosuenq. Yiengzcoeng heiq manhget, ndaej dingj nit caeuq dingj dwgliengz, caemhcaiq miz itdingh gaj nengz cozyung dem. Yiengzcoeng lij ndaej gig dungxsaej caeuq siuhvasen iemqok, hawj vunz sek dungx lai gwn ndaej doxgaiq, coicaenh siuvaq.

5、Gwn dangzrwi. Ndaw dangz- rwi hamz miz lai cungj swnghvuz vuedsingq doxgaiq, ndaej gikfat menj- yiz goengnaengz aenndang bouxvunz, haethaemh gak gwn baez ndeu, ndaej demgiengz menjyizliz aenndang vunz- raeuz, caemh ndaej dingj binghdoeg ciemq haeuj.

Dwgliengz seiz gaej gwn haj cungj doxgaiq lajneix.

1、Gaej gwn huqdiemz. Mbouj- lwnh dwg diemzsim roxnaeuz lwgmak diemz, baenz dwgliengz geizgan cungj aeu geih gwn. Huqdiemz mboujdanh ndaej hawj myaiz lai myaiz niu, lij rox hawj vunz baenz aek ciengq、mbouj ngah gwn doxgaiq.

2、Cawj byaek gaej dwk gyu hamz lai.

3、Siuj gwn gijgwn nyinzsei co. Lumj siuj gwn byaekginzcai、byaekgep、byaekdoengzhauh daengj.

4、Gaej gwn gij huq manh lai. Gwn lwgmanh rox hawj goengnaengz dungxsaej engq luenhyab, caemhcaiq rox hawj vunz rub myaiz、rueg ok.

5、Gaej gwn caz gwd gahfeih gwd. Caz gwd caeuq gahfeih gwd rox hawj dungxsaej mbouj cwxcaih, mbangjseiz rox hawj gijgwn ndaw sai aendungx lae doxdauq dem.