Bi’gvaq, Denhdwngj Yen dawz gij saeh gaijndei minzswngh (swnghcanj swnghhoz) dangguh gienh saeh ceiq youqgaenj ndeu daeuj guh, heuh fazgaij、suijli、gyauhdungh、caizcwng、gyauyuz daengj bumwnz comz 3 ik maenz, dawz gij cienzngaenz neix daeuj youq mbanj saujsu minzcuz guh gihcuj sezsih, hawj gij diuzgen swnghcanj swnghhoz lajmbanj de ndaej gaijndei gig lai, coi ginghci lajmbanj fazcanj. Bi’gvaq aen yienh neix gungh roengz 4200 fanh maenz coih roen mbanj 96 diuz. Doengzseiz, aen yienh neix doenggvaq lai fuengmienh comz cienzngaenz, gyavaiq guh suijli gunghcwngz lajmbanj, daengz dangqnaj, gungh roengz 3165 fanh maenz youq lajmbanj guh raemxgwn ancienz gunghcwngz, hawj 1.8 fanh vunz onjsim gwn raemx; roengz 7366 fanh maenz guh gunghcwngz dwkraemx coq reihnaz daengj 16 giz.

(Vangz Lilanz/黄丽兰)