●1 nyied 28 hauh banhaet, Lingz- yinz Yen Cauzlij Yauzcuz Yangh vwnzva gvangjcangz, gij heiqcuenghduenz daj aen yangh neix nem Denzlinz Yen Licouh Yauzcuz Yangh daeuj de gungh yienj le 5 aen cezmuz Heiqcuengh. Haujlai nungzminz daj gak dieg daeuj yienhciengz comz yawj.

(Vangz Yenzyungz)

●1 nyied 28 hauh, Liujcwngz Yen gij hanghmoeg aeu cienzngaenz bangfuz minzcuz vunz haemq noix fazcanj de cienzbouh doenggvaq niemhsou caemh- caiq ndaej yungh. Buek hanghmoeg neix gungh roengz 283 fanh maenz, guh hanghmoeg roen doeng mbanj 6 aen, gunghcwngz gwnraemx 2 aen; guh mbanj daegsaek aen ndeu. Gij hangh- moeg neix hawj Gujcai Mulaujcuz Yangh 8000 lai ginzcung souh’ik.

(Veiz Ginzvah)

●1 nyied 26 hauh, Bingzgoj Yen Dungzlauj Yangh Nazluz Cunh Mbanj- luzbu doeng roen lo. Ciuq cam rox, Nazluz Cunh dwg aen cunh Yauzcuz caez, Mbanjluzbu miz 29 ranz 111 vunz, soqlaiz youq diegbya. Bi’gvaq, Bingzgoj Yen Minzcuzgiz comz ndaej 10 fanh maenz, haenqrengz guh 2 ndwen, guh baenz diuz roen doeng mbanj 4.5 mij gvangq 3.6 goengleix raez.

(Lij Gyanghlanz)

●1 nyied 28 hauh, Lozcwngz Mulaujcuz Swciyen youq henz Dahvuj- yangz guh hozdung cuengq byalwg roengz dah, yizcwng bumwnz comz vunz daeuj dawz 27 fanh duz byalwg cuengq roengz ndaw dah bae. Ciuq cam rox, Hozciz Si guh baez hozdung cuengq bya roengz dah neix, gungh youq gak yienh(si、gih) ndaw dah cuengq 200 lai fanh duz byalwg.

(Mungz Cwnghswh)

●Daj 2009 nienz daengz 2014 nienz, Gunghcwngz Yauzcuz Swciyen gungh roengz cienzngaenz gaijguh ranzyiemj 29870 lai fanh maenz, ndawde ndaw yienh hawj 1316 fanh, baihgwnz hawj 9334 fanh, vunzlai gag comz 19200 lai fanh, gaijguh le ranzyiemj lajmbanj 6200 hoh, 2 fanh lai vunz saujsu minzcuz souh’ik.

(Cai Gijgyangz)